Artìculu Facebook di u 04/06/17
A dicisioni hè stata presa da Bernard Schmeltz, u Prifetta di Còrsica Suttana. À l’iniziu era privista a intardizzioni pà u 1a di luddu. Sò i foca di u Monti Gozzi è di Bunifaziu ultimamenti chì ani cunduttu à avanzà ‘ssa data. Hè vera chì prestu si sò sparti ‘ssi foca dimustrendu tandu chì a machja era dighjà bedda secca.
D’inguernu hà piuvitu mori ma a sicchìa hè dighjà quì. Priciseghja a Prifittura chì ‘ssa situazioni hè u risultatu di trè mesa (marzu, aprili è maghju) chì si carattarizèghjani pà una mancanza d’acqua à pettu à a media abituali. ‘Ssa mancanza hè di 60% di modu ginirali è ni ghjunghji à 70% in Còrsica Suttana.
#InterdictionBrulerFeuxEcobuagesIncendiesCorse #ProhibitionBurnFiresCorsica
Da leghja : http://www.corse-du-sud.gouv.fr/risque-d-incendie-en-corse-du-sud-avancee-de-la-a1849.html
Ritrattu : https://pixabay.com/en/fire-stubble-1079296/
U Sciintificuchju 