Artìculu Facebook di u 20/05/17
Avareti custatatu chì i nosci tilèfuni purtativi ùn ivuluèghjani più tantu dipoi dui anni… ‘Ssu fattu currispondi à a fin’ di a Leci di Moore. Leci, o piuttostu pridizzioni, chì dici chì tutti i dui anni i micruprucissori dòppiani a so putenza è cun eddi hè duppiata a putenza di l’apparechja (hè satu u casu dipoi l’anni 60a). Ma più và è più hè diffìciuli di miniaturizà i trasistori… È puri, si pudarìa quantunqua fà crescia a putenza di càlculu di i micruprucissori, cù, frà altru, i facultà ufferti da l’urdinatori quànticu. Quandu ci ghjunghjaremu da veru, allora sì ch’è no pudaremu pò essa assista una accilirazioni spuninziali di u sviluppu di i ticnulugìi cù cunsiquenzi di i più maiori par l’umanità sana sana… ‘Ssu mumentu chì certi ùn isìtani à chjamà « Singulartà ticnulògica» par rifarenza à a singularità gravitaziunali à cantu à un tafonu neru è indu’ i forzi in prisenza sò talmenti putenti ch’ùn ci hè più nuzioni nè di tempu nè di spaziu… ‘Ssu mumentu dunqua, ùn hè forsa cussì luntanu… Ni riparlaremu…
#SingulartitéTechnologique #TechnologicalSingularity
Ritrattu: https://pixabay.com/en/photos/?q=microprocesseur&image_type=&cat=&min_width=&min_height=
U Sciintificuchju 