U GRÀFINU (O GRAFFENU), ANNUNCIATU COM’È MATIRIALI « MIRÀCULU »… À CHÌ NI SEMU ?…

Artìculu Facebook di u 14/06/17

U gràfinu (o graffenu) hè u strattu u più finu di u gràfitu (o graffitu), u custituanti principali di i mini di criò. Da mori era cunnisciutu ma ci hè vulsutu à aspittà 2004 par ch’eddu sighi isulatu. Hè cumpostu di carbonu puru è si prisenta sottu à a forma di fuglietta d’atoma di carbonu chì pàrini un grigliasgiu.

U gràfinu si pò truvà in a natura in i mini di gràfitu di Madagascaru o di u Brasilu. Pò ancu essa sintitizatu à parta da u gasu di mèttanu o da u gasu d’acitilenu.

Hè un matiriali flissìbuli, lepiu, ultrarisistenti, trasparenti è cunduttori lèttricu pirfurmanti. Hè a somma di tutti ‘ssi qualità chì ni faci un cumpunenti ùnicu chì prumetti a rializazioni di mori affari :

–        di screna piigatoghja di i tilèfuni purtativi.

–        di battarìi prestu caricati.

–        di ciarredda capaci di caccià u sali da l’acqua di u mari.

–        di tirapìi contru à u càncaru.

Sò dighjà unipochi d’anni avà chì u gràfinu hè annunciatu com’è un matiriali miràculu è puri ùn faci ancu parti di u nosciu cutidianu. Intantu, più và è più i so qualità sò capiti, ma d’appressu à certi spicialisti, ci vularà à aspittà quantunqua dinò una dicina d’anni nanzi di truvà mori prudutta à nantu à u marcatu.

Ma otantu, sempri d’appressu à certi spicialisti, mancu da quì à deci anni u gràfinu avarà impiutu u nosciu cutidianu. Micca chì a ricerca intornu à u gràfinu ùn avarà avanzatu ma piuttostu parchì da quì à tandu si sarà pò essa trovu un mitariali ancu meddu…

#graphene #grafeno #écransouple #softscreen #ultraconductive

Da leghja : http://www.francetvinfo.fr/sciences/ecrans-souples-chargeurs-ultrarapides-eau-potable-decouvrez-le-graphene-le-materiau-du-xxie-siecle_2139153.html

Ritrattu : https://pixabay.com/en/graphene-graphite-benzene-chemistry-161773/

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s