Artìculu Facebook di u 29/07/17
Ci hè vulsutu 4 ghjorna di lutta par ghjunghja à ammaistrà è fà piantà u focu chì hà toccu trè cumuni : Biguglia, Ulmeta di Tuda è Furiani.
À cantu à u scempiu iculògicu ci sò ancu disguata matiriali (vitturi o capani brusgiati).
Oramai i spinghjifoca stani à l’ochji, cuntrulendu i fuma par ch’eddu ùn irripartissi u incendiu. Sò stati guasgi 400 à essa mubilizati è avà ni ferma un pocu di più chè 200.
Sò à u finali 7 meza airiani chì sò stati aduprati : un dash, un canadair, dui tracker, dui alicòttari (cù unu presu in lucazioni dirittamenti da a CTC) è ancu un pelikan talianu. Da nutà chì ci hè vulsutu unu impegnu maiori da a Cullittività Tarrituriali di Còrsica par chì u Statu francesu accittessi di dà di più meza…
L’ùltimi foca maiori sò stati in 2009 cù u sciffru tarrìbuli di 27 000 èttari brusgiati in l’annata. Dipoi tutti i incendia parìani di più ammaistrati. Par disgrazia ‘ssa annata 2017 s’annoncia mali cù a sicchìa chì ci hè è u bilanciu dighjà altu inveci ch’è no semu sempri di luddu… Spiremu quantunqua ch’eddu si piantarà quì u bilanciu è chì a tindenza pusitiva principiata in 2009 ripiddarà a suprana.
#IncendieUlmetaDiTudaBigugliaFuriani #ForestFireCorsica
http://france3-regions.francetvinfo.fr/corse/ces-grands-incendies-qui-ont-ravage-corse-1303245.html
Ritrattu : U Sciintificuchju.
U Sciintificuchju 