PIANETI STRASULARI : PIÙ DI 3600 SCUPARTI DIPOI 1995

Artìculu Facebook di u 20/08/17

A NASA hè forti par buscà i pianeti strasulari. Ni trova par cintinai cù u so tiliscopu spaziali Kepler. Ma l’Auropa dinò disponi d’un tiliscopu par iscòprali. Si chjama Sphère (Spectro-Polarimetric High-contrast Exo-planet REsearch) è ghjè stallatu à nantu à a Tarra. Hè unu di 4 spechja giganti chì custituìscini u Tiliscopu Maiuronu chì l’Ussirvatoriu Aurupeu Australi pussedi à u Chili. In sirviziu dipoi 2014, a so missioni hè d’ussirvà di modu direttu i pianeti for’ di u nosciu sistema sulari. Hè statu u casu, pà a prima volta, di luddu scorsu scuprendu HIP65426 chì si trova à 385 annati di lumu.

Intornu à no si còntani i steddi par miliarda è miliarda. Fòrmani sistema sulari chì poni cuntena omancu u listessu nùmaru di pianeti. Una hè stata ussirvata pà a prima volta in u 1995. Dipoi sò più 3600 chì sò stati scuparti. Di règula si faci cù una ussirvazioni indiretta. Veni à dì ch’edda si faci misurendu i variazioni di luminusità d’una stedda. Cussì funziuneghja Kepler. Asisti un antru mètudu di ditizzioni indiretta chì s’intaressa à a vitezza di dispiazzamentu d’una stedda.

Po ci hè una antra manera di fà, senza ambiguità in quantu à a intarpritazioni di i risultata : hè l’ussirvazioni diretta, chì riveni à piddà unu ritrattu di a pianeta stessa. Mètudu più sicuru ma più duru à metta in piazza è chì par avali hà datu menu rislutata. In tutti i casi, Sphère ci hà oramai uffertu ‘ssa scuparta, lachènduci spirà ch’eddu sarà in capacità di riempia bè a so missioni. Hè arnisatu apposta… U so spechju faci 8 metra di diametru è in più hè « difurmèvuli », par pudè cumpinsà l’iffetta di i turbulenzi atimusfèrichi. In fini disponi di a tècnica di curunugraffìa chì pirmetti di metta da cantu u lumu di a stedda par pudè meddu ussirvà quiddu di a pianeta.

Di sicuru, di tutti ‘ssi scuparti i sciintìfichi si ni sèrvini par pudè capì sempri meddu u nosciu universu è par veda s’è no semu i soli à abitallu… D’altrondi, a ci ramèntani : faci solu vinti anni chì a prima pianeta strasulari hè stata trova… tandu, à chì ni saremu da quì à 20 anni, sapendu in più chì d’altri prugetta di tiliscopa sempri più maiori è sempri più pirfurmanti sò privisti…

#TrèsGrandTélescopeSphère #ExoplanèteObservationDirecte #VeryLargeTelescopeSphere

Da leghja : https://www.nextinpact.com/news/104735-sphere-detecte-sa-premiere-exoplanete-en-observation-directe-a-385-annees-lumiere.htm

Ritrattu : https://pixabay.com/en/planet-gas-artist-impression-708598/

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s