UN ANTICORPU NOVU PAR LUTTÀ CONTRU À 99% DI I FORMI DI U V.I.U (HIV in inglesu)

A parsona umana lutta cù dificultà contru à u viru V.I.U, u Viru di l’Immunudificienza Umana, quiddu rispunsèvuli di u S.I.D.A (Sindromu di l’Immunu Dificenzia Acquistata). Quissa parchì cambia di forma, cunnosci mutazioni. Tandu, unu individu solu pò avè parechji formi d’infizzioni prisenti à tempu in eddu stessu.

Or, ricerchi fatti da l’US National Institutes of Health (NIH) in cullaburazioni cù a impresa di farmacìa Sanofi, ani pirmissu di sviluppà un anticorpu capaci d’attaccà 99% di i formi di u V.I.U.

I sciintìfichi si sò sirvuti di i capacità naturali ch’ani avutu certi parsoni tocchi da u V.I.U à difèndasi. Sò pochi, ma asìstini. U so sistema immunitariu hà riisciutu à sviluppà una forma spiciali d’anticorpu niutralizanti. Si tratta di prutiini capaci di tumbà parechji formi di V.I.U d’un colpu.

I sciintìfichi ani cumbinatu trè anticorpa ùnichi par pruducia un anticorpu dittu trispicìficu. Di règula, l’anticorpu naturali u più ifficaci riesci solu à attaccassi à 90% di i formi di u V.I.U. Sta volta, cù ‘ssu anticorpu trispicìficu sò 99% chì sò attaccati. D’altrondi, basta poca cuncintrazioni par ch’eddu sighi ifficaci.

Par avali i spirienzi cuncèrnani solu i scimii. In u 2018 sarani rializati provi clìnichi cù ‘ssu putenti anticorpu.

Hè sicura chì ‘ssa scuparta custituisci una riali spirenza in a lutta par stirpà u V.I.U. Hè una bona nutizia par tutti i parsoni (guasgi 37 miliona) chì in u mondu càmpani cù u V.I.U.

#Anticorps99%SouchesVIH #Antibody99%HIVstrains

Da leghja : http://trustmyscience.com/un-nouvel-anticorps-permet-de-lutter-a-99-pourcent-contre-le-vih/

Ritrattu : https://pixabay.com/en/hiv-aids-virus-disease-health-1903372/

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s