DA « GOOGLE » À « ALPHABET » (TAMANTA CASA MAESTRA ORAMAI)

– usciintificuchju.com – vènnari u 6 d’uttrovi 2017

Google, u mutori di ricerca à nantu à internet, hè una impresa amiricana criata in 1998 in a Silicon Valley, in California, da Larry Page è Sergueï Brin. Dipoi Google ùn hà arristatu di divirsificà i so missioni accupèndusi tandu, ancu di rubòttica o di saluta par asempiu… Pà assirinà l’azziunarii è cù un pinseri d’ifficacità, Larry Page è Sergueï Brin, ani da finì par riurganizà tutti i so àcchisi di ricerchi è impresi assuciati à Google drentu à una casa maestra chjamata Alphabet. Nasci in California d’aostu 2015 cù l’ugittivu di… CAMBIÀ U MONDU !

Ghjè Sergei Brin chì n’hè u prisidenti è Larry Page u dirittori ginirali. Strutturata com’edda hè, Alphabet pò prufittà di a stabilità finanziaria di Google par pudè lampà idei novi micca sempri sicuri di rapurtà solda.

Oramai Alphabet conta novi impresi, criati o compri da Google è capaci d’agì in mori duminia liati à i scienzi è i novi tinnulugìi :

1. X : Hè u laburatoriu sicretu di Google (à l’urìcini frà altru, di Google Car o di Google Glass…).

2. WAYMO : Sucità criata par sorta a vittura autònuma.

3. NEST : Impresa spicializata in a casa cunnittata : tirmustata intilligenti, ditittori di fumu è sistema di surviglienza à distenza.

4. FIBER : Dipoi 2011 Google hà fattu a spirienza di a fibra òttica. Cerca di sviluppà u so ritiolu.

5. CALICO (CAlifornie LIfe COmpany) : Hè una sucità spicializata in a biutinnulugìa chì voli luttà contru à a vichjara è tutti i malatìi chì li sò assuciati (si riunghji quì u currenti transumanistu chì voli vincia a morti).

6. VERILY : Hè una impresa chì cerca d’aduprà a tinnulugìa par purtà suluzioni à prublema di saluta. I so prugetta cuncèrnani a rializazioni di lintichji di cuntattu (o vitriceddi) par cuntrullà u niveddu di glucosu ind’è i diabètichi ; a rializazioni d’una cuchjarina pà i parsoni chì trimulèghjani à càusa di a malatìa di Parkinson ; a rializazioni d’una cartugraffìa di un èssaru umanu in bona saluta…

7. VENTURES : Hè un fondu di piazzamentu criaru in u 2009 da Google. Aiuta i impresi criati da pocu è spicializati in i novi tinnulugìi. In u 2013 hè statu u casu par Uber.

8. CAPITAL : Si tratta d’un fondu d’invistimentu ma pà i impresi più anziani.

9. GOOGLE. Hè u cori di l’attività d’Alphabet. Hè a sucità stòrica chì intirveni à nantu à u web. Addunisci Youtube, Android, AdWord, Google Search, Maps, Drive, Gmail è tutti i sirvizia assuciati più o menu aduprati (Google Calendar, Google Translate, Google +, Google Groups, Google News, Google Music…).

Senza ch’eddi fàccini parti d’Alphabet, altri impresi sò dinò in leia cù Google, com’è DeepMind chì s’accupa d’intilligenza artificiali… Pari chì u mutori di ricerca ùn hà ancu finitu di crescia…

#AlphabetMaisonMèreGoogle #AlphabetHeadQuarterGoogle

Da leghja : http://www.numerama.com/tech/138602-quest-ce-qui-se-cache-derriere-alphabet-le-vaisseau-mere-de-google.html ; http://www.numerama.com/startup/alphabet-inc

Ritrattu : https://pixabay.com/en/google-search-engine-browser-search-76517/

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s