IN CONCA, FESTA DI A NAZIONI RIMA CÙ SPIIGAZIONI

– usciintificuchju.com – Dumènica u 17 di dicembri 2017

In Conca, cumuna di Còrsica suttana, faci 19 anni ch’edda hè cilibrata a Festa di a Nazioni, o festa naziunali corsa, ghjornu di l’immaculata CuncizzionI. Hè sempri stata una uccasioni d’imparà a stodia à i paisani è ancu à i corsi in ginirali.

« Dipoi u principiu stindimu una banniera giganti di 300 metra quatrati è chì si vedi in tuttu u rughjonu da parechji chilòmitri. L’idea hè sempri stata d’intirpillà l’aienti à nantu à a cunniscenza di a so stodia. »

Cussì ci spiega Micheli Leccia, prisidenti di l’associu A Punta di l’Ortu chì s’accupa di i fistività.

Ani cumenciu cù fuglietta spiigativi distribuiti à a pupulazioni po cù u tempu a manifistazioni hè stata arricchita da diapuramà, sfilata incustumata è bannieri pinturiti cù a vulintà di dà spiigazioni stòrichi. Al di là di a festa stessa, l’8 di dicembri, hè spiigata dinò l’ivuluzioni di a banniera corsa, cù l’urìcini di a Testa Mora, da a so prima affaccata ad oghji. Travaddu pidagògicu rializatu in lingua corsa (certi volti sigundatu da traduzzioni scritti in francesu).

In Conca, si manghja, si bì è si canta è par quissa u dispiazzamentu vali u colpu. Ma dinò à l’uccasioni di ‘ssa festa hè rializatu unu impurtanti travaddu patrimoniali par metta in valori a cultura è a stodia corsa.

A manifistazioni chì oramai accoddi 400 parsoni, hè cumpletta è mireta d’essa campata par quiddi ch’ùn la cunnòscini ancu :

Stesi di bannieri giganti (300 m2 è 69 m2), messa sulenna cù cunfraterni è gruppa di cantu, prucissioni è granìtula, sfilata incustumata è littura di l’artìculu di 1735, fucilati è fumigena, po ancu cuncertu è manghjusca (figateddu, pulenti, brocciu, ova, climantini…) chì sò rigalati.

L’urganizatori spèrani chì in inghji paesu di Còrsica sarà di più in più fistatu l’8 di dicembri. Intantu, par prumova ‘ssa cilibrazioni, còntani di fà tamanta festa annu chì veni, vistu ch’edda farà 20 anni ch’eddi si dani di rimenu… Un annivirsariu ch’ùn ci voli à mancà.

À truvacci tandu un antru annu !

Ritrattu : U Sciintificuchju

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s