– usciintificuchju.com – Dumènica u 14 di ghjinnaghju 2018
Nanzi arimani, u 12 di ghjinnaghju, s’hè compiu u salonu intirnaziunali di a littrònica in Las Vegas, salonu u più maiori di u mondu : u CES o Cunsumer Electronic Show. Sò 4000 sucità chì sò in irripisintazioni davanti à un pùblicu di 200 000 parsoni à nantu à dui ghjorna.
Or, à mezu à ‘ssa fiera higt-tech indu’ si poni truvà i leader mundiali di a rivuluzioni numèrica, èrani riprisintati 5 impresi corsi, tutti aiaccini o di u so circondu !
1 : Icare Technologie (sucità di Jérémy Neyrou basata). ‘Ssa impresa hà sviluppatu un sistema di pagamentu è d’idintificazioni parsunali par vìa d’un aneddu accuppiatu à una appiicazioni smarthone.
2 : Nubeus (sucità di Jérémy Martinetti). Start-up chì porta suluzioni numèrichi cù u sviluppu d’ugetta cunnittati.
3 : APPeBike (sucità di Sébastien Rognon). Hè u prima ritiolu di turìsimu è piaceri à bissicletti lèttrichi assuciati à una appiicazioni.
4 : Qwant Music (sucità d’Eric Leandri). Qwant si voli essa un mutori di ricerca cuncurenti di l’amiricanu Google, uffrendu un sirviziu rispittuosu di a vita privata di tuttu inghjunu. Qwant Music hè una diclinazioni di ‘ssu mutori chì prumetti d’offra una visioni glubali di l’universu musicali d’un artistu famosu o pocu cunnisciutu.
5 : Polytopes (sucità di Pierre Gambini). Si tratta d’una appicazioni culturali chì pruponi vìsiti varii in mùsica.
Hè dunqua una diligazioni isulana impurtanti chì s’hè ritrova in a Mèrica. Era custituita da i dirigianti di tutti ‘ssi impresi ma dinò da unu riprisintanti di l’ADEC, l’Agenza pà u Sviluppu Icunòmicu di a Còrsica chì hà cuntribuitu pà una parti à u dispiazzamentu di i membra di ‘ssa diligazioni.
Di sicuru hè stata una uccasioni pà i impresi corsi di fà valè i so cumpitenzi è di stabilì lei chì pò essa li pirmittarani di sviluppà tutti i so prugetta.
Da leghja : https://www.corsematin.com/article/article/cinq-entreprises-insulaires-a-la-grand-messe-numerique
Ritrattu : https://pixabay.com/en/industry-industry-4-network-points-2630319/
U Sciintificuchju 