PULLUZIONI IN CHINA : UNA TORRA PAR PURIFICÀ L’ARIA

– usciintificuchju.com – Sàpatu u 3 di frivaghju 2018

Si tratta d’un filtru giganti spirimintali custruitu dipoi 2015. Oramai ci sò i risultata è l’affari pari di funziunà…

Hè una torra alta di 100 metra. À a so basa ci hè una zona larga cuparta di una vitrarìa indu’ si ficca l’aria currottta chì sarà riscaldata da i panedda sularia. ‘Ssa aria hè avviata in a torra è passa à traversu una sèguita di varii filtra. Tandu sò chjappi i partìculi fini è l’aria pura risorti in cima di ‘ssu caminu giganti.

I infurmazioni sò stati accolti à nantu à mesa è mesa è drentu à parechji stazioni di misuri sparti à nantu à 10 chilòmitri intornu à a stallazioni. Ani arrigistratu una calata di 15% di a prisenza in partìculi fini à l’uccasioni di i pirìudi d’alta pulluzioni. Riprisenta un vulumu d’aria di 10 miliona di metra cuba.

‘Ssa spirienza hè stata rializata in a pruvincia di Shanxii, in a cità di Xian, cunnisciuta pà a so armata di stàtuli fatti di tarra cotta.

Suddisfattu da u risultatu, u so cuncipitori, Cao Junii, pensa oramai à passà à a siconda tappa di u so prugettu, veni à dì custruì torri beddi più maiorii, alti di 500 metra è cù un diametru di 200 metra. Tandu una torra cussì fatta pirmittarìa di purificà l’aria à nantu à 30 chilòmitri.

Intantu, di modu ginirali a situazioni ferma pèssima in tàrmini di pulluzioni in China, indu’ u finòminu di smog (cuntrazzioni di i paroli inglesi, « smoke » o fumu è « fog » o fumaccionu) hè u cutidianu di i cità di u paesu. Pocu fà (l’11 di ghjinnaghju 2018), Greenpeace hà resu unu raportu chì moscia chì par avà a pulluzioni in China ùn cala tantu malgradu i sforza fatti da u guvernu dipoi 2013 par ammiddurà a qualità di l’aria (chjuda i impresi i più pulluanti ; sviluppà l’usu d’inirgìi novi…).

Da leghja : https://www.consoglobe.com/purificateur-air-geant-pollution-xian-chine-cg

http://www.atlantico.fr/atlantico-light/chine-tour-cent-metres-pour-purifier-air-3283200.html

Ritrattu : https://pixabay.com/fr/brouillard-shanghai-bateaux-smog-1028343/

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s