UNU ROBÒ MODDU DI 4 MILÌMITRI PAR SPLURÀ L’URGANÌSIMU UMANU

– usciintificuchju.com –  Sàpatu u 24 di marzu 2018

A infurmazioni hà dighjà dui mesa ma miritaia ch’è no vultèssimi à nantu. Pò riprisintà una avanzata maiori pà a midicina. Sò circadori allimani ch’ani riisciutu à metta à u puntu unu robò di 4 mm di longu, di struttura modda è cuntrullatu par magnitìsimu.

Si prisenta sottu à a forma d’una pìccula banda di caucciu chì piatta unu robò chjucu chjucu cù mori capacità : pò marchjà, si pò strascinà, pò natà è pò ancu saltà.

Un tal’ robò di sicuru hè d’unu intaressu midicali maiori. Si pudarà ficcà drentu à u corpu umanu par rializà curamenta micrubiulògichi o par traspurtà midicini in i loca chì par avà nicissitèghjani grossi intarvinzioni chjirusicali.

« U robò sarà inghjuttitu o intruduttu dirittamenti sottu à a peddi. Pudarà dopu francà u tubu digistivu o urinariu. a cavità adduminali o ancu u cori. » Cussì dici Metin Sitti u prufissori à a testa di a squatra di ricerca.

I so cuncipitori ani presu asempiu à nantu à a curpuratura modda di i varma, di i bruca, di i poti marini è di a sumeni masciccia. Hè fattu d’un pulìmaru stinzatoghju indu’ sò stati ficcati particeddi magnètichi.

‘Ssi cattatori ani da pirmetta di cuntrulallu à distenza è di cambià a so forma sigondu i bisogna, mudifichendu a forza è a dirizzioni d’un campu magnèticu chì si ni stà fora di l’urganìsimu. I so capacità à mòvasi sò maiori ciò ch’ùn s’era mai vista pà unu robò cussì chjucu.

‘Ssu Milirubottu hè dighjà statu pruvatu drentu à unu stòmacu sintèticu è drentu à i tissuta di a carri di puddastru. I risultata arrigistrati tandu sò stati più chè boni ma ferma sempri u travaddu nanzi di vèdalu invistì un urganìsimu umanu. Prima i circadori vòlini sempri riducia i so misuri par ghjunghja à micròmitri è vòlini parfizziunà u cuntrollu magnèticu à distenza. Ci vularà dinò chì u robò sighi in capacità di sdrùghjasi drentu à l’urganìsimu ‘nd’eddu sarà statu missu.

Da leghja : http://www.rtl.fr/actu/futur/video-un-robot-mou-de-4-millimetres-pour-explorer-le-corps-humain-7792078638

Ritrattu : https://pixabay.com/en/blood-cells-red-medical-medicine-1813410/

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s