QUANTITÀ CHJUCHI CHJUCHI D’ALLUCINATOGHJA PUDARÌANI AMMIDDURÀ I CAPACITÀ DI U CIARBEDDU

– usciintificuchju.com – Marti u 16 d’uttrovi 2018

U studiu di i sustanzi psiccadèlichi cù l’uggittivu d’ammiddurà i capacità cugnitivi hè calcosa di novu. Intantu i spirienzi fatti làcani pinsà chì a presa di psiccutropa in quantità viramenti dèbbuli pò ammiddurà i capacità di riflissioni è di risuluzioni. Tutti ‘ssi risulta pàrini d’essa stati cunfirmati da un ùltimu studiu chì purtaia à nantu à funga allucinatoghja.

Una squatra aurupea di niurusciintìfichi hà analizatu l’usu di micrudosi di funga psilucibini o di tarratrùfula. Ani fighjulatu comu influinzàiani u funziunamentu cugnitivu di u ciarbeddu di 36 parsoni à l’uccasioni d’unu ivinimentu urganizatu da a Sucità Psiccadèlica di i Paesa Bassi. I participanti ani ricivutu una dosa ùnica di 0,37 grammu di tarratrùfula siccati è sò stati invitati à risolva trè prublema. I vuluntarii si sò musciati in capacità di truvà suluzioni senza dificultà à veri capatoghja, aduprendu suluzioni uriginali, ciò ch’ùn era u casu nanzi di piddà i micrudosi. I circadori difinìscini ‘ssu finòminu com’è « cambiamenta d’intilligenza linda ». I risultata sò stati publicati in a rivista Pyschopharmacology.

Parehji studia sò stati cunsacrati à l’avantaghja ch’eddi poni riprisintà i psiccadèlichi. Tandu certi scuparti mòsciani ch’eddi si poni aduprà i principa attivi di funga allucinatoghja par sullighjà a diprissioni è altri prublema psicchiàtrichi. Al di là dunqua di a pussibilità d’ammiddurà i capacità cugnitivi u micrudusaghju pudarìa essa adupratu pà a so ifficacità curativa cù l’ugittivu d’aiutà i malati chì sòffrini di prublema psicchiàtrichi.

Intantu, hè vera chì à cantu à l’avantaghja ch’edda pò prisintà l’usu di l’allucinatoghja, i incunvinienti à u cuntrariu ùn sò tantu stati studiati. Ma ghjustu à puntu, mori circadori si rallègrani di veda chì oramai ‘ssu sughjettu hè studiatu cun sediu è chì l’anàlisi sò quantunqua fatti cù rigori.

Da leghja :

https://trustmyscience.com/microdoses-champignons-hallucinogene-amelioreraient-capacites-cognitives/

Ritrattu : https://pixabay.com/fr/champignons-228244/

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s