A LISTA DI I PRUGETTA PAR STALLASSI À NANTU À A PIANETA MARZU

– usciintificuchju.com – vènnari u 27 d’uttrovi 2017

NASA : Hà fattu un prugrammu chì a devi purtà à nantu à Marzu in u 2033. Si tratta di sviluppà un sistema di lanciamenti ma dinò un unità d’abitazioni chì sirvarà à fà un postu avanzatu à nantu à a luna. A stazioni spaziali sirvarà intali à 2024 par pruvà i sistema di sustenu à a vita è par cuntinuà i ricerchi midicali à nantu à a saluta di i spaziunàuti.

SPACEX : Hè una sucità amiricana chì travadda in u duminiu di l’astrunavigazioni è di u bolu spaziali. Hè stata fatta in u 2002 da u imprisariu Elon Musk. À l’èpica era miliunariu, avà hè miliardariu. Hè pristatariu pà a NASA chì l’ha’ cunfidatu un cuntrattu di trasportu di ropa versu a Stazioni Spaziali Intirnaziunali. Hè SpaceX chì hà riisciutu à metta à u puntu una fuesa, a Falcon 9, chì dopu à essa stata inviata in u spaziu, ni pò rifalà è pònasi à nantu à a Tarra. Veni à dì ch’edda pò essa riaduprata ciò chì di sicuru hà da diminuì mori i costa di splutazioni. Oramai, dipoi 2016, Elon Musk hà annunciatu impignà SpaceX in un ambiziosu prugrammu di culunizazioni di a pianeta Marzu. Tuttu hè statu imaginatu : i fusei, i cumbinazioni di i spaziunàuti, i casi marziani è a manera di fà u prupargolu, u pruduttu di prupulsioni di i fusei, à nantu à Marzu stessu, par pudè riparta… Elon Musk voli ghjunghja à crià una culunìa autònuma di 1 milionu di parsoni, rializendu una cinquantina di bola in 100 anni à pocu pressu. U prima viaghju cuminciarìa in u 2024.

BOEING : Hè u custruttori airunaùticu chì tuttu inghjunu cunnosci. Ma dinò hè una impresa di u duminiu airuspaziali, cuncurenti di Space X, custruttori di satèllitti è di fusei. Dopu à l’annunciu di Elon Musk di vulè andà à nantu à Marzu, Dennis Muilenbourg, u patronu di Boeing dicìa ch’eddu era prontu ancu eddu à participà à a culunizazioni di Marzu. Hà prumissu ch’eddu prisintarà un prugrammu ditagliatu.

MARS ONE : Si tratta di stallà una culunìa umana à nantu à Marzu à parta da 2032. Hè un prugettu iniziatu da u niirlandesu Bas Lansdorp. A particularità di ‘ssu prugettu hè chì i so fundatori ani privistu di fallu finanzà, pà una bona parti, par vìa d’una sfruttera midiàtica di a spidizioni à nantu à u mudellu di a tilirialità. Da 2013 à 2015, sò à pocu pressu 200 000 candidati di più di 140 paesa chì si sò prisintati (par vìa d’una videò) par duvintà i prima culunizatori marziani. Sò 100 candidati chì sò stati ritinuti è chì duvarani riescia provi di silizzioni par firmà in i 24 ùltimi chì sarani ritinuti. Ghjè tandu ch’edda cuminciarà a tilirialità (in tiurìa in u 2018), quand’eddi sarani in traccia d’asarcitassi. Par ‘ssu prugrammu sarani impiigati da a sucità Mars One chì i pagarà. Dopu, da 2022 à 2029, dièssani inviati matiriali è rover par appruntà a ghjunta di a prima missioni. In fini, in u 2031 devi parta a prima squatra di 4 parsoni par Marzu : mittarà 7 mesa par fà u viaghju è sbarcarà in u 2032. Cussì principiarà a culunizazioni di a pianetta rossa.

IMIRATA ÀRABI UNITI : Par culunizà a pianeta Marzu ci hè bisognu di solda è di tutti quiddi chì n’ani a pritinzioni, l’Imirata sarani forsa quiddi chì n’ani u più. A vulintà di ‘ssi paesa hè di crià una cità da quì à 100 anni à nantu à Marzu. I schema chì a riprisèntani mòsciani abitazioni sottu à doma rializati cù un pinseri d’istètica. Ani annunciatu vulè travaddà cù u Mondu sanu. Casca bè chì Elon Musk hà sempri dittu ch’eddu si vidìa com’è una impresa di trasportu à u sirviziu d’altri sucità o à u sirviziu di i paesa.

Da leghja : http://www.mars-one.fr/

http://www.futura-sciences.com/sciences/actualites/vol-habite-mission-humaine-vers-mars-trump-veut-y-aller-avant-2024-10-ans-avant-plans-nasa-60286/

http://www.numerama.com/sciences/234162-mars-2117-les-emirats-arabes-unis-veulent-construire-une-ville-sur-mars.html

Ritrattu : https://pixabay.com/en/mars-mars-rover-space-travel-robot-67522/

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s