FLYBOARD AIR : TAMANTA INVINZIONI !

– usciintificuchju.com – sàpatu l’11 di nuvembri 2017

CHÌ GHJÈ ?

U Flyboard Air hè una mascina bulanti cundutta da una parsona. Hè capaci d’andà à 150 chilòmtitri à l’ora, di cuddà à 3000 metra d’altitùdina, cù una autunumìa di 10 minuti. Pussedi 4 mutori, inghjunu di 250 cavadda è chì funziunèghjani à u chirusenu. Una vera prudezza ! Ciò ch’è no vidìami in i filma, asisti avà par di veru : ci pari di veda a mascina di u Buffonu Verdu di u filmu Spiderman.

QUAL’HÈ CHÌ L’HÀ INVINTATU ? È QUANDU ?

Hè statu invintatu da a sucità Zapata Racing chì l’hà prisintatu pà a prima volta in u 2016. À u capu di ‘ssa sucità truvemu u marsigliesu Franky Zapata, campionu di jet-sky chì dighjà avìa invintatu u Flyboard in u 2011. Si tratta tandu d’una mascina chì pirmetti à una parsona d’essa prupulsata in l’aria par vìa d’una acqua sottu prissioni è chì sorti d’un caucciu riliatu à a turbina d’un jet-sky. Inveci, cù u Flyboard Air ùn ci hè più bisognu di leia cù una mottò marina. Hè una mascina autònuma.

PÀ I SPURTIVI D’ALTU NIVEDDU

Quandu Francky Zapata bola cù a so mascina, hè imprissiunanti di veda à chì puntu a pò manighjà. Pari ancu fàcciuli di dispiazzassi in tutti i sensa. In fattu, ùn hè ancu par n’mporta quali. Ci ghjunghji Franky Zapata parchì hè unu spurtivu d’altu niveddu. U Flyboard Air pari piuttostu fattu par avà, pà un usu industriali o militaru ancu. Intantu l’hà ditta u marsigliesu :

« Emu criatu una fòrmula 1 è ci tocca à fà una Twingo. »

« Emu a tinnulugìa par crià ciò chì u mondu sanu sunnieghja : una vittura bulanti. »

CUNVUCAZIONI À A CIANDARMARÌA

Di marzu 2017, l’auturità francesi intardìscini à Zapata d’aduprà u Flyboard Air à nantu à u tarritoriu francesu chì o sinnò pò essa parsiguitatu da a ghjustizia. A dirizzioni ginirali di l’afiazioni civili (DGAC) ghjustificheghja ‘ssa dicisioni da u fattu chì u capimpresu marsigliesu ùn hà postu dumanda d’auturizazioni di bolu è ch’eddu ùn hà nisciuna licenza di bolu. È puri, l’affari parìa truvà una suluzioni postu chì Zapata hà passatu in pocu tempu u so brivettu d’ULM è chì a DGAC u lacaia bulà sopra à l’acqua à cundizioni di fassi purtà à u largu. Ma tandu fusti a mirrìa di Carry chì s’hè upposta à i so provi dicendu ch’eddu facìa troppu rimori. Li firmaia allora u campu d’afiazioni ma priculosu s’eddu casca…

PARTENZA PÀ I STATI UNITI ?

Dopu à tutti i so piripizìi à nantu à u tarritoriu francesu, Franky Zapata avìa annunciatu ch’eddu partarìa par un paesu più apartu à nantu à a tinnulugìa è à nantu à a vodda d’intraprenda… Si parlaia tandu di i Stati Uniti indu’, frà altru, l’armata parìa da veru intarissata da a so invinzioni. Ci màncani par avà infurmazioni par affirmà ch’eddu ci hà passatu un cuntrattu. U fattu si stà chì l’ùltimi videò posti da Zapata mòsciani chì culà po ci hè, omancu par fà dimustrazioni di a so mascina…

Da leghja : https://www.usinenouvelle.com/editorial/pourquoi-l-ovni-flyboard-air-est-il-interdit-de-vol.N514839

http://www.20minutes.fr/marseille/2048323-20170412-franky-zapata-inventeur-flyboard-air-nouveau-cloue-sol-trop-bruyant-trop-dangereux-dit-mairie

http://tempsreel.nouvelobs.com/rue89/rue89-economie/20160722.RUE3482/zapata-fabricant-marseillais-d-hoverboards-rachete-par-un-americain.html

Ritrattu è videò : https://www.youtube.com/watch?v=bSQBCSDs7tg

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s