GHJÀCARI CAPACI D’ANNASÀ U CÀNCARU

– usciintificuchju.com –  Sàpatu u 12 di maghju 2018

Hè l’Astitutu Curie in Francia è più particularamenti a circadori Isabelle Fromantin chì porta ‘ssu prugettu di metta à u puntu una ditizzioni primaticcia di tumori cancarosi cù l’usu di l’uduratu d’un ghjàcaru (u so musu hè 40 volti più putenti chè u nosciu nasu). Or dopu à sei mesa d’asarcizia Thor è Nikios, i dui malinesi (ghjàcari picuraghji), ani riimpiutu a so missioni, à 100 %. Era una fasa di provi rializati à nantu à un gruppu di 130 donni vulintarii.

I ghjacari sò drizzati par lucalizà i cumpunenti uduranti chì poni figurà à nantu à unu stracciuchju infusu da u sudori o da tissuta presi à nantu à un sughjettu.

‘Ssi boni risultata ghjustifichèghjani oramai di fà, unu studiu clìnicu maiori, chì pudarà forsa binifizià d’un sustenu finanziariu più impurtanti. Si trattarà di travaddà à nantu à un grupppu più maiori di 1000 donni. Sarani sempri mubilizati i dui ghjàcari malinesi ma ancu dui altri di razzi diffarenti par muscià chì u prutucollu pò viaghjà senza à essa dipindenti d’un animali troppu spicìficu nè ancu d’un maestru particulari.

‘Ssu dispusitivu à bastanza sèmpliciu chì ùn hà micca bisognu d’una uspitalizazioni è ch’ùn costa tantu si pudarìa stenda à i paesa chì si svilùppani indu’ poni mancà l’arnesi par fà diagnòstichi. S’edda hè meddu fatta a vistichera sarani più adattati i trattamenta è ci sarani di più pussibilità di variscia.

À principiu u prugettu cuntaia di simplificà u diagnòsticu di u càncaru di u pettu. Oramai incuragitu da i boni risultata uttinuti in sei mesa, a squatra di travaddu imagineghja ancu sparta ‘ssu mètudu di vistichera à tutti i tippa di càncaru, frà altru quiddu di l’uvaria.

DA U MUSU GHJACARINU À U NASU LITTRÒNICU… INDRENTU À I SMARTPHONES !

U prima nasu littrònicu hè statu cuncipitu è rializatu da inginieri inglesi in u 1993. In Israelu u Na-nose ripruduci i cuddidori ulfattivi di u ghjàcaru è vistìcani à 95% u càncaru di u pulmonu è ancu di u pettu, di a prustata è di u stòmacu. Pruvatu à nantu à 4000 pazienti drentu à 22 spidali in u mondu, stu apparechju fattu di nanutuba hè statu rializatu da Hossam Haick, circadori di l’Astitutu Tinnulògicu d’Israelu in Aiffà. Hè statu ilettu in u 2008 da a rivista di u MIT (Astitutu tinnulògicu di u Massachusetts), com’è sendu unu di i 35 più boni sciintìfichi di u mondu. À a testa d’una squatra di circadori aurupei sunnieghja di veda ‘ssa tinnulugìa da quì à pocu intigrata à i tilèfuni purtativi è cumircializati par fà una vistichera in casa soia, prestu fatta è micca cara.

Da leghja : https://www.huffingtonpost.fr/2017/03/02/les-chiens-renifleurs-de-cancer-sont-efficaces-a-100-apres-6-mo_a_21871542/

Paris Match da u 19 à u 25 d’aprili 2018 + http://www.parismatch.com/Actu/Sante/Cancer-Leur-flair-sauve-des-vies-1503080

Ritrattu : https://pixabay.com/en/dog-malinoi-sw-nature-out-971223/

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s